Лінкі ўнівэрсальнага доступу

«Гулаг. Онлайн»: так жылі і вашыя рэпрэсаваныя продкі


Неадпраўленыя лісты зьняволеных, іх працоўныя пальчаткі і зношаны зімовы абутак, разьбітая гітара. Гэтыя і іншыя рэчы, знойдзеныя ў 15 закінутых лягерах ГУЛАГу, зараз можна ўбачыць онлайн дзякуючы энтузіястам з Чэхіі.

Ужо больш за сем гадоў яны штогод адпраўляюцца ў Сібір, каб выкласьці ў інтэрнэт фатаграфіі пабудоў папраўча-працоўных лягераў.

Музэй «Гулаг.Онлайн» створаны на сродкі чэскай грамадзкасьці, якая падтрымала працу групы энтузіястаў, сярод якіх ёсьць гісторыкі, археолягі, журналісты. Цяпер — зноў у інтэрнэце — гэтая група зьбірае сродкі на паездку ў Казахстан, каб вывучыць Карляг. А вынік іх нядаўняй працы ўжо выкладзены ў сетку і даступны, у тым ліку, на расейскай мове.

Гісторыя онлайн-музэя пачалася з вывучэньня былой будоўлі ГУЛАГу 501-503. Гэтыя лічбы азначалі будаўніцтва чыгункі Салехард — Ігарка ў Паўночнай Сібіры, якая павінна была стаць часткай Транспалярнай магістралі і злучыць Чукотку з Баранцавым морам, але яна не была дабудавана і цяпер ня дзейнічае. Уздоўж гэтай будоўлі засталося шмат закінутых папраўча-працоўных лягераў, якія, у адрозьненьне ад многіх іншых, добра захаваліся.

Дзякуючы дасьледаваньню гэтага ўчастка чыгункі можна зьдзейсьніць онлайн-тур па лягеры ГУЛАГу і даведацца, як выглядалі розныя пабудовы, зазірнуць унутр баракаў і ўбачыць, у якіх умовах жылі і працавалі зьняволеныя.

3D-мадэль папраўча-працоўнага лягера
3D-мадэль папраўча-працоўнага лягера

Гэтая інфармацыя суправаджаецца і відэаповедамі відавочцаў, у асноўным чэхаў і славакаў, рэпрэсаваных у СССР. Пры гэтым кожны лягер адзначаны на карце, дзякуючы якой можна прасачыць і лёс кожнага зьняволенага: на ёй адзначаны ня толькі лягеры, у якіх чалавек утрымліваўся, але і месцы, дзе быў арыштаваны, дапытваўся або быў асуджаны.

Больш пра праект чэскіх дасьледчыкаў можна даведацца ТУТ.

Глядзець камэнтары (5)

Гэтая дыскусія закрытая.
Ігар Лосік Кацярына Андрэева Дар'я Чульцова Марына Золатава Ягор Марціновіч
XS
SM
MD
LG