Як перадае БелТА, Аляксандар Лукашэнка падкрэсьліў, што ў рашэньні праблемы эканамічнай эфэктыўнасьці павінна быць задзейнічаная ўся вэртыкаль улады, пачынаючы ад кіраўніка пасялковага савета.
«Мы павінны дакладна вызначыцца, хто і чым павінен займацца. Старшыня пасялковага савета павінен быць гаспадаром на гэтай зямлі. У частцы вытворчасьці ён павінен мець пэўныя функцыі і паўнамоцтвы. Але вэртыкаль павінна працаваць. І трэба навучыцца зарабляць грошы. Гэтую вэртыкаль мы закруцім так, што яна дзень і ноч будзе вярцецца-круціцца, але вынік прыносіць», — заявіў ён на нарадзе аб пэрспэктывах разьвіцьця малых населеных пунктаў Аршанскага і Шклоўскага раёнаў.
Лукашэнка падкрэсьліў, што недапушчальна, калі ён прыходзіць у цэх прадпрыемства або арганізацыі, цікавіцца пэрспэктыўным плянам разьвіцьця, але не атрымлівае выразнага адказу. «Яны прывыклі да бюджэту, што грошы ім дадуць. Прыходзяць сюды на працу, капейкі гэтыя зарабляюць і ня ведаюць, што будзе заўтра», — канстатаваў ён.
