Кандыдат на прэзыдэнта ЗША ад Рэспубліканскай партыі Доналд Трамп узмацніў сваю перавагу ў адных з найбольш напружаных выбараў у амэрыканскай гісторыі. Ён перамог у ключавых штатах Агаё і Флорыда.
Кандыдатка ад Дэмакратычнай партыі Гілары Клінтан перамагла ў шэрагу паўночна-усходніх штатаў і працягвае змаганьне, але папярэднія лічбы паказваюць, што Трамп набірае больш галасоў у нявызначаных штатах, чым прадказвалі апытаньні.
Штабы кандыдатаў чакаюць вынікаў у такіх ключавых штатах як Пэнсыльванія і Паўночная Караліна.
У Вірджыніі, родным штаце кандыдата на пасаду віцэ-прэзыдэнта ЗША ад Дэмакратычнай партыі Тыма Кейна, чакалася ўпэўненая перамога Клінтан, але пакуль яна наперадзе з зусім невялікай розьніцай.