Лінкі ўнівэрсальнага доступу

Затрымалі кіроўцу грузавіка, які дзіўна кружляў каля Дома ўраду і выкрыкваў абразы на адрас Лукашэнкі


Плошча Незалежнасьці, архіўнае фота
Плошча Незалежнасьці, архіўнае фота

Пра гэта парталу tut.by паведамілі відавочцы, якія заўважылі дзіўны рух грузавіка ад помніка Леніну да плошчы Мясьнікова. Міліцыя перакрыла машыне рух і затрымала мужчыну, які ў гэты час выкрыкваў абразы на адрас Аляксандра Лукашэнкі.

Паводле відавочцаў, затрыманьне праходзіла досыць жорстка: на кіроўцу надзелі кайданкі і нейкі час пакінулі стаяць на каленях. Потым адвезьлі ў пастарунак, а яго машына яшчэ каля гадзіны стаяла паблізу плошчы.

Пазьней прэс-служба менскай міліцыі патлумачыла, што затрыманы 38-гадовы кіроўца, які «пашкодзіў дарожны знак у раёне плошчы Незалежнасьці».

«Падчас спыненьня супрацьпраўных дзеяньняў кіроўца вёў сябе неадэкватна, нецэнзурна лаяўся», — гаворыцца ў афіцыйным паведамленьні.

Міліцыянты знайшлі ў салёне машыны мэталічную курыльную люльку з рэчывам расьліннага паходжаньня зялёнага колеру, круглую бляшанку з гэтым жа рэчывам. Знаходкі адпраўленыя на экспэртызу.

Супраць кіроўцы складзены адміністрацыйныя пратаколы. Як паведамляе ГУУС, кіроўца з 2008 па 2016 год 19 разоў прыцягваўся да адміністрацыйнай адказнасьці за парушэньне правілаў дарожнага руху і працоўнага заканадаўства. У 90-х супраць яго распачыналі крымінальную справу за сэксуальнае злачынства. Але ці быў ён прызнаны вінаватым, міліцыя не паведамляе.

Адносна затрыманага праводзіцца праверка, паведамілі ў ГУУС.

Ігар Лосік Кацярына Андрэева Ірына Слаўнікава Марына Золатава Андрэй Кузьнечык
XS
SM
MD
LG