У прыватнасьці, там на мінулым тыдні прайшла сустрэча з прадстаўнікамі Amnesty International.
Офіс з усёй маёмасьцю арганізацыі быў сканфіскаваны ў 2012 годзе ў межах крымінальнай справы супраць старшыні арганізацыі Алеся Бяляцкага, якому ў 2011 годзе прысудзілі 4 гады пазбаўленьня волі.
Цяпер офіс пад арыштам, але знаходзіцца ў «падвешаным» стане, кажа Свабодзе Бяляцкі. Ён застаецца ўладальнікам памяшканьня, пытаньне продажу «завісла». Судовыя выканаўцы далі дазвол «расьпячатаць» памяшканьне — і да канчатковай канфіскацыі «Вясна» вырашыла карыстацца офісам.
«Мы аддалі офіс таксама іншым арганізацыям: Беларускаму дакумэнтацыйнаму цэнтру і Цэнтру дасьледаваньняў грамадзянскай супольнасьці Беларусі. Гэта нашыя партнэры, зь якімі мы працуем некалькі гадоў і якія ня маюць свайго памяшканьня», — дадае Бяляцкі.
«Вясна» не прызнае законнасьці канфіскацыі офісу і перасьледу Бяляцкага. Але ці ёсьць шанец канчаткова вярнуць офіс? Толькі ў выпадку, калі палітзьняволеныя будуць рэабілітаваныя ў Беларусі, кажа Бяляцкі.
