Каля 60 чалавек загінулі ў Емэне ў выніку авіяўдару, нанесенага сіламі кааліцыі пад кіраўніцтвам Савудаўскай Арабіі. Паведамляецца, што бомбы трапілі 29 кастрычніка ў турму ў партовым горадзе Хадэйда.
Гэты горад знаходзіцца пад кантролем шыіцкай групоўкі «Аль-Хуці», якая ваюе зь міжнародна прызнаным урадам Емэну з 2014 году. Сярод загінулых — як баевікі, так і іх зьняволеныя.
Праз некалькі гадзін вайсковыя самалёты бамбілі дамы цывільных у заходняй частцы горада Таіз, загінулі прынамсі 15 чалавек, паведамілі мясцовыя жыхары.
Кааліцыя Савудаўскай Арабіі, якая падтрымлівае ўлады Емэну, знаходзіцца пад агнём крытыкі праваабаронцаў празь вялікую колькасьць загінулых цывільных асобаў у выніку авіяналётаў.