КНДР здольная нанесьці папераджальны ўдар па Злучаных Штатах і іх саюзьніках, уключна зь Японіяй, «у выпадку нават найменшай правакацыі зь іх боку», перадае ТАСС, са спасылкай на камэнтар інфармацыйнага агенцтва ЦТАК.
Нагадаўшы, што Японія застаецца «заклятым ворагам карэйскага народа», інфармагенцтва асудзіла міністра замежных спраў гэтай краіны Фуміа Кісіду, які «выступае за ўзмацненьне ціску на Пхеньян у сувязі зь яго ракетнымі і ядзернымі выпрабаваньнямі».
«Наступальныя ядзерныя сродкі КНДР гатовыя да нанясеньня прэвэнтыўнага ўдару па яе ворагам у выпадку найменшай правакацыі зь іх боку ў інтарэсах абароны сувэрэнітэту народнай рэспублікі і права на існаваньне», — падкрэсьлівае ЦТАК.
Выступаючы на гэтым тыдні на прэс-канфэрэнцыі ў Токіё, Кісіда паведаміў, што ў японскім парлямэнце «праходзіла абмеркаваньне санкцый у дачыненьні да кампаній трэціх краін, якія вядуць сваю дзейнасьць з Паўночнай Карэяй. «У цяперашні час мы разглядаем некалькі варыянтаў рашэньня гэтай праблемы, уключаючы пашырэньне і ўзмацненьне санкцый», — дадаў міністар.
Радыё Свабода