Лінкі ўнівэрсальнага доступу

Мэрам басьнійскай Срэбраніцы стаў этнічны сэрб


Младэн Груйчыч
Младэн Груйчыч

Мэрам басьнійскага гораду Срэбраніца, дзе 21 год таму былі забітыя некалькі тысяч мусульман, абраны этнічны сэрб.

Цэнтральная выбарчая камісія Босьніі і Герцагавіны пацьвердзіла 17 кастрычніка што 34-гадовы настаўнік хіміі Младэн Груйчыч выйграў выбары мэра гораду, якія прайшлі 2 кастрычніка.

Этнічны серб стане мэрам гораду ўпершыню з 1999 года, паведамляе Бі-бі-сі. Перад вайной у 90-х гадах мінулага стагодзьдзя большасьць насельніцтва Срэбраніцы складалі мусульмане. Цяпер 55 адсоткаў насельніцтва горада сэрбы і 45 — басьнійскія мусульмане. Груйчыч атрымаў перамогу, заручыўшыся падтрымкай 54,4 % прагаласаваўшых.

На абраньне Груйчыча нэгатыўна адрэагавалі сваякі ахвяр масавых забойстваў у Срэбраніцы ў ліпені 1995 году. Тады армія басьнійскіх сэрбаў ўвайшла на тэрыторыю Срэбраніцы, якая мела статус зоны бясьпекі і знаходзілася пад абаронай міратворцаў ААН. Сэрбы забілі каля васьмі тысяч мужчын і хлопчыкаў з мусульманскіх сем’яў.

Ігар Лосік Кацярына Андрэева Ірына Слаўнікава Марына Золатава Андрэй Кузьнечык
XS
SM
MD
LG