Роўз Гатмёлер (Rose Gottemoeller), 63-гадовая амэрыканка, 17 кастрычніка прыступіла да выкананьня абавязкаў намесьніка генэральнага сакратара НАТО. Гэта першы выпадак у гісторыі, калі такую высокую пасаду ў НАТО заняла жанчына.
Раней Роўз Гатмёлер працавала ў Дзяржаўным дэпартамэнце ЗША на пасадзе намесьніка дзяржсакратара. Яна добра валодае расейскай мовай, у яе паслужным сьпісе значыцца праца ў Маскоўскім цэнтры Карнэгі.
На пасадзе намесьніка генэрального сакратара НАТО Гатмёлер зьмяніла Аляксандра Вэршбоў, які займаў гэтую пасаду з 2012 году, а раней, з 2001 па 2005 год, працаваў паслом ЗША ў Расеі.
Кандыдатуру Роўз Гатмёлер на пасаду намесьніка кіраўніка НАТО прапанаваў у сакавіку сёлетняга году прэзыдэнт ЗША Барак Абама.
Самае папулярнае
1
