Афіша
Менск — справаздачна-выбарчая канфэрэнцыя руху «За свабоду». Гатэль «Плянэта» (пр-т Пераможцаў, 31). Пачатак а 10-ай.
У гісторыі
1813 — пачалася «Бітва народаў» пад Ляйпцыгам, у якой удзельнічалі войскі Францыі, Райнскага зьвязу, Польшчы, Аўстрыі, Прусіі, Расеі і Швэцыі; скончылася паразай арміі Напалеона.
1923 — заснаваная кінакампанія Ўолта Дыснэя.
1946 — выкананы сьмяротны прысуд Нюрнбэрскага трыбуналу нацысцкім злачынцам.
1964 — Кітай правёў першае выпрабаваньне ядзернай зброі.
1978 ― Караль Вайтыла абраны папам Рымскім; ён ўзяў сабе імя Ян Павал ІІ.
У гэты дзень нарадзіліся:
1854 — Оскар Уайлд, ангельскі літаратар.
1854 — Карл Каўцкі, нямецкі эканаміст, гісторык і публіцыст, адзін зь лідэраў і тэарэтыкаў нямецкай сацыял-дэмакратыі.
1884 — Флярыян Ждановіч, беларускі актор і рэжысэр.
1886 — Давід Бэн-Гурыён, адзін зь лідэраў сіянісцкага руху і стваральнік сучаснага Ізраіля.
1890 — Майкл Колінз, ірляндзкі нацыянальны герой, рэвалюцыянэр, палітычны і вайсковы дзяяч.
1927 — Гюнтэр Грас, нямецкі пісьменьнік, ляўрэат Нобэлеўскай прэміі ў літаратуры.
1935 — Барыс Забораў, беларускі мастак.
1957 ― Сяржук Сокалаў-Воюш, беларускі бард, пісьменьнік, журналіст.
У гэты дзень памерлі:
1553 — Лукас Кранах-старэйшы, нямецкі мастак
1793 — Марыя Антуанэта, француская каралева, пакараная адсячэньнем галавы паводле прысуду рэвалюцыйнага трыбуналу
Цытата
Аксамітны летні вечар ахінуў зямлю,
Я вазёрную сінечу вуснамі лаўлю.
Моўчкі слухаю у росах песьню салаўя.
Над маім лунае лёсам Беларусь мая.
А над лесам, над сусьветам выпрастаў крыло
Залацісты човен-ветах, зорнае вясло.
Стан дзявочы Белай вежы, подых ручая,
Я адной табе належу, Беларусь мая!
Там, дзе гойдае вятрыска залаты мурог,
Паўставалі камяніскі ля тваіх дарог.
Чырванее раньні золак, рэха ў гаях,
А ў грудзях тваіх асколак, Беларусь мая.
Мне краёў чужых ня трэба, як ні варажы,
Не хачу чужога хлеба, радасьцяў чужых,
Бо чужына сэрца джаліць, цісьне, як зьмяя,
Бо гукае з дальніх даляў Беларусь мая.
Сяржук Сокалаў-Воюш, «Беларусь мая»