Лінкі ўнівэрсальнага доступу

Алексіевіч спадзяецца, што Нобэля за літаратуру атрымае Муракамі


Сьвятлана Алексіевіч спадзяецца, што Нобэлеўскую прэмію ў галіне літаратуры сёлета атрымае японскі пісьменьнік Харукі Муракамі.

Пра гэта беларуская ляўрэатка Нобэля распавяла падчас візыту ў галоўную сядзібу Радыё «Свабода» ў Празе.

«Цяпер усе за Муракамі. Я люблю гэтага пісьменьніка, хаця кажуць, што гэта спрошчаная літаратура. Мне падабаецца ўсходняя аранжыроўка падзеяў і іх разуменьня. Мне гэта цікава» — сказала Алексіевіч.

Муракамі ў сьпісе галоўных прэтэндэнтаў на Нобэлеўскую прэмію ўжо ня першы год. Паводле букмэйкераў, сёлета ў яго найбольшыя шанцы атрымаць ўзнагароду. За Муракамі ідуць сырыйскі паэт Адоніс, кенійскі пісьменьнік Нгугі ва Тхіонга і амэрыканец Філіп Рот.

Ляўрэат Нобэлеўскай прэміі за літаратуру будзе абвешчаны на наступным тыдні.

Ігар Лосік Кацярына Андрэева Ірына Слаўнікава Марына Золатава Андрэй Кузьнечык
XS
SM
MD
LG