Лінкі ўнівэрсальнага доступу

Доўг Беларусі за газ ужо каля 300 мільёнаў даляраў, — міністар энэргетыкі Расеі


Аляксандар Новак
Аляксандар Новак

Міністар энэргетыкі Расеі Аляксандар Новак у інтэрвію радыёстанцыі «Эхо Москвы» агучыў новыя лічбы наконт запазычанасьці Беларусі за газ.

«Тая лічба, якая была апошняй парадку дзесьці 270-300 мільёнаў даляраў», — адзначыў ён.

Спрэчкі Менска і Масквы пра цэны на газ ідуць з пачатку году. Пакуль ідуць перамовы, Газпрам налічвае Беларусі запазычанасьць, якую беларускі бок ня лічыць абгрунтаванай. Апошнім разам расейскі бок агучваў лічбу доўгу ў 270 мільёнаў даляраў.

Паводле міністра, у пляне вырашэньня газавай спрэчкі «разглядаюцца розныя варыянты». Пры гэтым ён запэўніў, што Беларусь «ня зьмерзне» ў гэтым годзе.

«Не, у нас няма такой нават мэты і задачы. Беларусь працягвае купляць газ. Ёсьць тут толькі некаторыя рознагалосьсі зь беларускімі партнэрамі ў трактоўцы тых пагадненьняў, якія былі падпісаныя яшчэ ў 2007 годзе, у 2009 годзе ў адносінах да цэнаўтварэньня», — кажа Новак.

Ігар Лосік Кацярына Андрэева Ірына Слаўнікава Марына Золатава Андрэй Кузьнечык
XS
SM
MD
LG