Лінкі ўнівэрсальнага доступу

Нехта сказаў актывісту Глебу Вайкулю, што яго выклікаюць у міліцыю


Глеб Вайкуль

Актывіст Задзіночаньня беларускіх студэнтаў Глеб Вайкуль атрымаў зранку 22 верасьня тэлефанаваньне ад некага, хто «выклікаў» яго ў Маскоўскі РУУС за ўдзел у акцыі «Праспэкт нацыянальнага сьцяга» 19 верасьня.

«Позва зь міліцыі так і не прыйшла, як я не жадаў яе выбіць, — кажа „Свабодзе“ Вайкуль. — Мне сказалі, што ў іх звычайная практыка бяз позвы выклікаць, складаць пратакол (нават калі не зьяўлюся) і потым у суд.

На звычайныя тэлефонныя паведамленьні рэагаваць няма сэнсу, пакуль няма ніякага пісьмовага пацьверджаньня. Вядома, я нікуды не зьбіраюся».

У час акцыі на Вайкуля, як і на іншых удзельнікаў, міліцыя не складала пратаколаў ні за якія правапарушэньні, але людзі ў цывільным фільмавалі ўдзельнікаў акцыі. Вайкуль кажа, што пытаў іншых, ці выклікалі іх у міліцыю, але падобна, што тэлефанавалі толькі яму.

«Я ўпэўнены, што будзе складзены пратакол сёньня і высланы па пошце, — мяркуе актывіст. — Ня ведаю, чым я ім так спадабаўся, але толькі мяне і выклікалі. Сам зьдзіўлены, бо калі Дашкевічу нічога не зрабілі, да чаго тут я? Але нічога страшнага, гэта жыцьцё».

Ігар Лосік Кацярына Андрэева Дар'я Чульцова Марына Золатава Ягор Марціновіч
XS
SM
MD
LG