У сталіцы Нямеччыны адбыліся выбары ў рэгіянальны парлямэнт. Цяперашняя кааліцыя сацыял-дэмакратаў і хрысьціянскіх дэмакратаў на чале з Ангелай Мэркель страчвае большасьць. Цяпер партыям трэба будзе дамаўляцца пра новыя саюзы.
Сацыял-дэмакратычная партыя (СДП), якая атрымала больш за ўсіх галасоў — 21,6%, цяпер можа імкнуцца сфармаваць кіруючую кааліцыю зь Зялёнымі і Левай партыяй.
Паводле «Нямецкай хвалі», вынікі выбараў паказваюць на рост сымпатыяў да правых папулістаў і на непапулярнасьць іміграцыйнай палітыкі канцлеркі Ангелы Мэркель.
Назіральнікі разглядаюць выбары ў Бэрліне як мадэль для нацыянальных выбараў наступнага году.
Агулам галасы ў Бэрліне разьмеркаваліся наступным чынам:
Сацыял-дэмакраты — 21,6% (-6.7)
Хрысціянскія дэмакраты — 17.6% (-5.7)
Левыя — 15,6% (+3,9)
Зялёныя — 15,2% (-2,4)
Альтэрнатыва для Нямеччыны — 14,2% (+14,2)
Свабодныя дэмакраты — 6,7% (+4.9)
Піраты — 1,7% (-7.2)