Мітрапаліт Менска-Магілёўскі арцыбіскуп Тадэвуш Кандрусевіч прыняў удзел у малітве, якая праходзіла ў межах Канфэрэнцыі для рабінаў, арганізаванай Цэнтрам прагрэсіўнага юдаізму ў Менску.
Падчас сустрэчы арцыбіскупу была ўручана ганаровая грамата «Чалавек года». Упершыню ў гісторыі ўручэньня граматы быў абраны не юдэй, а прадстаўнік іншай рэлігіі. Мітрапаліт атрымаў грамату за велізарны ўклад у разьвіцьцё міжрэлігійнага дыялёгу, паведамляе catholic.by
У мерапрыемстве ўдзельнічалі рабіны з Украіны, Расеі, ЗША і Вялікабрытаніі, у тым ліку прэзыдэнт Сусьветнага саюза прагрэсіўнага юдаізму.
