Лінкі ўнівэрсальнага доступу

Грашовыя даходы насельніцтва ўпалі на 7%


Грашовыя даходы насельніцтва Беларусі за студзень-ліпень 2016 году, згодна са зьвесткамі Нацыянальнага статыстычнага камітэту, зьнізіліся на 7% у параўнаньні з аналягічным леташнім паказчыкам.

Як паведамляе БелаПАН, за студзень-ліпень і студзень-травень 2016 году падзеньне даходаў таксама склала 7% і стала самым значным са студзеня 2015 году. Даходы насельніцтва падаюць з пачатку 2015 году:

  • у студзені — на 1,4% у параўнаньні з такім жа пэрыядам 2014 году;
  • у студзені-лютым — на 2,3%;
  • студзені-сакавіку — на 4%;
  • студзені-красавіку — на 4,1%;
  • студзені-траўні — на 4,7%;
  • студзені-чэрвені — на 5,3%;
  • студзені-ліпені — на 5,4%;
  • студзені-жніўні — на 5,5%;
  • студзені-верасьні і студзені-кастрычніку — на 5,6%;
  • студзені-лістападзе — на 5,5%;
  • студзені-сьнежні — на 5,9%.

У 2016 годзе зьніжэнне склала:

  • у студзені 5,4% да студзеня 2015 году,
  • у студзені-лютым — 6,4%,
  • студзені-сакавіку — 6,5%,
  • студзені-красавіку — 6,8%.

Між тым Мінэканомікі чакала, што рэальныя наяўныя грашовыя даходы насельніцтва ў першым квартале 2016 году зьнізяцца толькі на 1,5% да адпаведнага пэрыяду 2015 году, а ў першым паўгодзьдзі будуць на леташнім узроўні. Пры гэтым паводле вынікаў дзевяці месяцаў яны вырастуць на 0,1%, паводле вынікаў 2016 году — на 0,5%.

Ігар Лосік Кацярына Андрэева Ірына Слаўнікава Марына Золатава Андрэй Кузьнечык
XS
SM
MD
LG