Пра гэта паведаміў тэлеканал «Sky News Arabia». Паводле яго інфармацыі, «армія Ізраілю абвергла сьцьвярджэньні сырыйскіх уладаў аб нібыта зьбітым вайсковым самалёце ВПС Ізраілю і бесьпілётным лятальным апараце».
Раней камандаваньне войскамі прэзыдэнта Сырыі Башара Асада заявіла, што ў правінцыі Эль-Кунэйтра сырыйскімі сіламі паветранай абароны ноччу быў зьбіты ізраільскі вайсковы самалёт, які спрабаваў атакаваць пазыцыі ўзброеных сілаў Сырыі, а таксама выведвальны бесьпілётнік.
Учора ўвайшло ў сілу пагадненьне аб перамір’і ў Сырыі, дасягнутае пры пасярэдніцтве ЗША і Расеі.
