Пракуратура гораду Менску вярнула справу Ўладзімера Кондруся для дадатковага папярэдняга расьсьледаваньня.
Паводле spring96.org, упраўленьню Сьледчага камітэту па Менску на дадатковае расьсьледаваньне адведзены адзін месяц.
Раней чакалася, што справу перададуць у суд.
Жыхар гарадзкога пасёлку Рудзенск Уладзімер Кондрусь быў затрыманы 14 чэрвеня 2016 году. Згодна з пацьверджанай Сьледчым камітэтам Беларусі інфармацыяй, ён абвінавачваецца паводле ч. 2 арт. 293 КК («масавыя беспарадкі»). Кондруся трымаюць у менскім СІЗА № 1.
Прадстаўнікі беларускай праваабарончай супольнасьці прызналі Ўладзімера Кондруся палітвязьнем і патрабуюць неадкладна вызваліць яго з-пад варты.