Афіша:
Менск наведае прэзыдэнт Эўрапейскай народнай партыі Жозэф Дол. Разам зь лідэрамі правацэнтрысцкай кааліцыі Віталём Рымашэўскім, Анатолем Лябедзькам і Юрасём Губарэвічам ён правядзе сумесную прэс-канфэрэнцыю ў гатэлі «Эўропа».
Сайман Астроўскі
У Менску адбудзецца адкрыцьцё новага сэзону ў Прэс-клюбе. У першай сустрэчы возьмуць удзел палітычны аглядальнік газэты The New York Times Дэйвід Гершэнгорн і сузаснавальнік і ідэйны натхняльнік VICE News, аднаго з самых інавацыйных мэдыяканалаў апошніх гадоў, Сайман Астроўскі.
У Музэі-сядзібе Міхала Клеафаса Агінскага ў Залесьсі, што ў Смаргонскім раёне, пройдзе вэрнісаж выставы Паўла Южыка «Родныя вобразы». Мастак памёр падчас ІІ сусьветнай вайны. Многія яго карціны, прысьвечаныя малой айчыне, знаходзяцца сёньня ў Нацыянальным мастацкім музэі.
У гісторыі:
1192 — падпісаньнем мірнай дамовы між ангельскім каралём Рычардам Львінае Сэрца і султанам Саладынам завершаны трэці крыжовы паход.
1834 — Сэм’юэл Кольт запатэнтаваў рэвальвэр.
1928 — у Ленінградзе створаная кінастудыя «Савецкая Беларусь». З 1939 году знаходзіцца ў Менску, у 1946 годзе перайменаваная ў «Беларусьфільм».
1945 — капітуляцыяй Японіі скончылася Другая сусьветная вайна.
1991 — Нагорна-Карабаская Рэспубліка абвясьціла незалежнасьць ад Азэрбайджану
1996 — ва Ўкраіне ўведзеная нацыянальная валюта — грыўна.
У гэты дзень нарадзіліся:
1911 — Юлі Таўбін, беларускі паэт, перакладчык.
1955 — Яўген Мірановіч, беларускі гісторык зь Беласточчыны. Адзін з ініцыятараў стварэньня ў 1990 Беларускага дэмакратычнага аб’яднаньня. Ад 1992 галоўны рэдактар тыднёвіка «Ніва», ад 1997 — старшыня яго праграмнай рады.
У гэты дзень памерлі:
1800 — Мацей Радзівіл, беларускі драматург, кампазытар, аўтар лібрэта апэрэт.
1814 — Жан Эмануэль Жэлібэр, францускі натураліст, хірург і анатом, стваральнік і кіраўнік Гарадзенскай мэдыцынскай акадэміі.
1973 — Джон Рональд Руэл Толкін, брытанскі пісьменьнік і мовазнаўца.
1998 — Мікола Гайдук, беларускі пісьменьнік, журналіст, краязнавец, настаўнік.
Цытата:
«Мы не выбіраем часы, у якія жывем. Мы можа толькі вырашаць, як жыць у тыя часы, якія выбралі нас».
Джон Толкін