Арганізатар акцыі — выданне «Ўкраінская праўда», дзе працаваў Шарамет.
«40 дзён няма з намі нашага сябра, настаўніка, які любіў жыцьцё і салодкае. 28 жніўня мы памінаем Паўла Шарамета, частуем дэсэртамі і дапамагаем дзецям», — гаворыцца ў паведамленьні Facebook на старонцы арганізатараў імпрэзы.
Шарамет быў забіты 20 ліпеня ў цэнтры Кіева ў выніку выбуху аўтамабіля. Сьледзтва разглядае прафэсійную дзейнасьць Шарамета ў якасьці асноўнай вэрсіі забойства.
