Афіша:
Верхні горад у Менску на адзін дзень ператворыцца ў адно гіганцкае 100-мэтровае грузінскае застольле. Там пройдзе фэстываль «Тбілісоба-2016». Наведвальнікаў чакае багацьце аўтэнтычных грузінскіх страў і знакамітага віна ад двух дзесяткаў грузінскіх і беларускіх рэстаранаў, сабраных у адзін доўгі фудкорт.
У мястэчку Ракаў пад Менскам адбудзецца фэстываль культур «Ракаўскі фэст-2016». У межах фэсту ад 11.00 да 22.00 адбудуцца выступленьні музычных і танцавальных калектываў, тэатральны квэст, будзе працаваць кірмаш «Горад майстроў», мастацкая выстава. А 20.00 выступіць польскі гурт «Дзікія яблыкі», які спалучае ў сваёй творчасьці славянскую мэлёдыку і рытм афрыканскіх бубнаў.
Дзяржаўны літаратурна-мэмарыяльны музэй імя Якуба Коласа запрашае на фэст «Пакаласімся». Гасьцей чакаюць майстар-клясы са скульптарам, мастком, музыкамі. Там жа пройдзе «Сьпеўны сход» і прагляд кароткамэтражных стужак маладых беларускіх рэжысёраў ва ўтульнай гасьцёўні самога Якуба Коласа.
У гісторыі:
551 да н.э. — нарадзіўся кітайскі філёзаф Канфуцый.
1610 — Уладзіслаў Ваза абраны маскоўскім царом.
1652 — Капылю нададзена магдэбурскае права.
1811 — беларускі паэт Тадэвуш Лада-Заблоцкі.
1820 — У Расейскай імпэрыі ўказам Аляксандра І забароненая дзейнасьць езуітаў.
1955 — Выйшла 1-е выданьне Кнігі рэкордаў Гінеса.
У памяці:
1576 — памёр італьянскі мастак Тыцыян.
1873 — гісторык, краязнавец і археоляг Яўстах Тышкевіч.
1916 — беларускі філёзаф, этнограф, фальклярыст Уладзіслаў Вярыга.
1937 — беларускі гісторык і археоляг Аляксандар Ляўданскі.
Цытата:
«Абавязак кожнага адукаванага й улюбёнага ў свой край чалавека — старацца растлумачыць усё, што падпала пад сумненьне й складае матэрыял для айчыннай гісторыі. Здагадвацца, шукаць, а адкрытае перадаваць людзям — значыць падаваць руку дапамогі тым, хто прысьвяціў жыцьцё сваё й здароўе навукам для дабра грамадзкага».
Яўстах Тышкевіч