Лінкі ўнівэрсальнага доступу

Ліда: Шэсьць кандыдатаў ад БНФ ушанавалі памяць паўстанцаў 1863 году


Каля стэлы, прысьвечанай паўстанцкаму камандзіру Людвіку Нарбуту
Каля стэлы, прысьвечанай паўстанцкаму камандзіру Людвіку Нарбуту

У касьцёле Сьвятой Сям’і на вуліцы Тухачэўскага ў Лідзе прайшла беларускамоўная імша. На ёй прысутнічалі шэсьць зарэгістраваных кандыдатаў у дэпутаты ад Партыі БНФ.

Гэта Станіслаў Суднік (Лідзкая 55-я акруга), Валер Мінец (Гарадзенская Занёманская акруга), Міхась Бурачэўскі (Івейская акруга), Уладзімер Круцікаў (Наваградзкая акруга), Вітольд Ашурак (Дзятлаўская акруга), Сяргей Трафімчык (Шчучынская акруга). Усе вылучаныя ад Партыі БНФ кандыдаты — сябры Таварыства беларускай мовы.

На імшы ўспаміналі ксяндза Адама Фалькоўскага, які зачытаў у храме паўстанцкі маніфэст, за што царскія карнікі пакаралі яго сьмерцю.

Ля каменя на месцы расстрэлу ксяндза Фалькоўскага
Ля каменя на месцы расстрэлу ксяндза Фалькоўскага

Пасьля кандыдаты праехалі па месцах, якія ў Лідзе зьвязаныя з паўстаньнем. Гэта стэля паўстанцкаму камандзіру Людвіку Нарбуту каля касьцёла ў мікрараёне Індустрыяльны, камень на месцы расстрэлу ксяндза Фалькоўскага ў гарадзкім парку і магіла Валерыі Ціхановіч на старых каталіцкіх могілках. Ушанавалі памяць хвілінай маўчаньня, запалілі зьнічы.

Каля магілы Валерыі Ціхановіч, удзельніцы паўстаньня
Каля магілы Валерыі Ціхановіч, удзельніцы паўстаньня

Станіслаў Суднік сказаў Свабодзе, што памяць паўстанцаў 1863-га ўшаноўваюць кожны год.

Звычайна ўшанаваньне прымяркоўваюць да 27 ліпеня — дня абвяшчэньня сувэрэнітэту Беларусі. Але сёлета ўлады не далі на гэта дазволу, сказаў Суднік:

«Спаслаліся на гарачыню, што вакол Крыжоў пажаранебясьпечная тэрыторыя, навокал расьце жыта».

Сёлета падзею вырашылі прымеркаваць да 25-х угодкаў наданьня статусу канстытуцыйнага закону Дэклярацыі аб дзяржаўным сувэрэнітэце, сказаў Станіслаў Суднік. Гэтая падзея адбылася 25 жніўня 1991 году.

Ігар Лосік Кацярына Андрэева Ірына Слаўнікава Марына Золатава Андрэй Кузьнечык
XS
SM
MD
LG