Лінкі ўнівэрсальнага доступу

Байдаркі-чацьвёркі. Беларускі ўзялі бронзавы мэдаль

абноўлена

Маргарыта Махнева, Надзея Ляпешка, Вольга Худзенка і Марына Літвінчук у фінальным заплыве на 500 м заваявалі бронзавы мэдаль.

Першае месца занялі дзяўчаты з Вугоршчыны — 1.14,193. На другім месцы жаночы квартэт Нямеччыны — 1.15,094. Беларускі сёньня паказалі вынік — 1.16,61.

Напярэдадні беларуская чацьвёрка праплыла ў сваім паўфінальным заезьдзе з часам 1.30,320.

На папярэдняй Алімпіядзе ў Лёндане ў 2012 годзе п'едэстал жаночай байдаркі-чацьвёркі на 500 мэтраў выглядаў аналягічна: першымі былі вугоркі, другімі немкі, трэцімі беларускі.

Гэта восьмы мэдаль беларускай зборнай на Алімпіядзе ў Рыё-дэ-Жанэйра. Цяпер у Беларусі 1 залаты, 4 срэбраныя і 3 бронзавыя мэдалі.

Ігар Лосік Кацярына Андрэева Ірына Слаўнікава Марына Золатава Андрэй Кузьнечык
XS
SM
MD
LG