Праліўныя дажджы пачаліся ў Луізіяне ў пятніцу і працягваліся ўсе выходныя. У многіх населеных пунктах вада працягвае прыбываць. Некаторыя жыхары паведамляюць, што ўсё вакол кішыць зьмеямі, паведамляе ВВС.
Губэрнатар Луізіяны Джон Бэл Эдвардс увёў у штаце надзвычайнае становішча. Паведамляецца, што Эдвардса зь сям’ёй таксама давялося эвакуяваць выратавальнікам пасьля таго, як вада затапіла сутарэньні яго дома.
Непагадзь закранула і суседнія зь Луізіянай штаты Алабама і Місісіпі. У шэрагу графстваў штата Місісіпі ўлады таксама абвясьцілі надзвычайнае становішча.