Лінкі ўнівэрсальнага доступу

У Турэччыне чакаюць віцэ-прэзыдэнта ЗША, каб размаўляць пра экстрадыцыю Гюлена


Прэм’ер-міністар Турэччыны Біналі Йылдырым
Прэм’ер-міністар Турэччыны Біналі Йылдырым

Кіраўнік ураду Турэччыны Біналі Йылдырым заявіў, што візыт віцэ-прэзыдэнта ЗША Джо Байдэна ў апошняй дэкадзе жніўня паўплывае на ўзаемаадносіны дзьвюх краін.

Байдэн прыбудзе ў Турэччыну для абмеркаваньня магчымай экстрадыцыі апазыцыйнага прапаведніка Фэтхулаха Гюлена, якога Анкара абвінавачвае ў падрыхтоўцы ваеннага перавароту, сказаў прэм’ер-міністар Турэччыны. Амэрыканскі бок пакуль не пракамэнтаваў заявы турэцкага прэм’ер-міністра.

Візыт дэлегацыі міністэрства юстыцыі ЗША на чале з Байдэнам заплянаваны на 22 жніўня. Пасьля гэтага чакаецца візыт у адказ турэцкай дэлегацыі ў Злучаныя Штаты. У кастрычніку ў Анкару таксама плянуе прыехаць дзяржаўны сакратар ЗША Джон Керы. Турэцкі прэм’ер адзначыў, што рашэньне амэрыканскага боку з нагоды экстрадыцыі Гюлена паўплывае на адносіны дзьвюх краін.

У Турэччыне былі затрыманыя больш за 20 тысяч чалавек паводле падазрэньня ў датычнасьці да спробы вайсковага перавароту 16 ліпеняю Больш за 80 тысяч дзяржаўных службоўцаў, паліцыянтаў і вайскоўцаў пазбавіліся працы. Усе яны абвінавачваюцца ў сувязі з Гюленом, які жыве ў Злучаных Штатах. У пачатку жніўня ўлады Турэччыны выдалі ордэр на яго арышт. Сам прапаведнік паабяцаў здацца турэцкім уладам, калі яго віна будзе даказаная незалежным судом.

Ігар Лосік Кацярына Андрэева Ірына Слаўнікава Марына Золатава Андрэй Кузьнечык
XS
SM
MD
LG