Лінкі ўнівэрсальнага доступу

Бэрлін адмовіўся ад нэўтралітэту на выбарах у ЗША праз Трампа


МЗС ФРГ заявіла, што больш не прытрымліваецца нэўтральнай пазыцыі адносна кандыдатаў у прэзыдэнты ЗША, перасьцерагаючы амэрыканцаў ад выбару на карысьць «прапаведніка нянавісьці» Трампа.

Нямецкае зьнешнепалітычнае ведамства афіцыйна адмовілася ад нэўтральнай пазыцыі ў адносінах да кандыдатаў у прэзыдэнты ЗША. Міністар замежных спраў Франк-Вальтэр Штайнмаер падкрэсьліў, што ўрад ФРН «сапраўды не адносіцца да гэтай тэмы нэўтральна». Пра гэта ў сераду, 10 жніўня, паведаміла прэс-сакратарка МЗС Нямеччыны Савсан Чэблі.

Паводле яе слоў, Штайнмаер заявіў, што яму «становіцца жудасна ад думкі пра тое, што будзе з гэтым сьветам», калі кандыдата ад рэспубліканцаў Дональда Трампа выберуць у прэзыдэнты ЗША і ён ўвасобіць у жыцьцё свае перадвыбарчыя абяцаньні. «Міністар замежных спраў Нямеччыны зьвяртае на гэта грамадзкую ўвагу, маючы на тое поўнае права», — цытуе Чэблі агенцтва Reuters.

Ад канцлеркі ФРН Ангелы Мэркель камэнтараў на гэтую тэму не было. Як патлумачыла прадстаўніца ўраду, кіраўніца кабінэту «ня ўмешваецца ў перадвыбарную барацьбу і не камэнтуе яе».

Раней, 4 жніўня, Штайнмаер назваў Трампа «прапаведнікам нянавісьці», заявіўшы, што з усё большай трывогай назірае за тым, як па ўсім сьвеце распаўсюджваецца «пачвара нацыяналізму».

Пра гэта перадае «Нямецкая хваля».

Глядзець камэнтары (1)

Гэтая дыскусія закрытая.
Ігар Лосік Кацярына Андрэева Дар'я Чульцова Марына Золатава Ягор Марціновіч
XS
SM
MD
LG