Расейскі прэзыдэнт Уладзімір Пуцін сказаў, што Расея крок за крокам здыме санкцыі супраць Турэччыны і што наперадзе ляжыць цяжкая праца, каб аднавіць гандаль і эканамічнае супрацоўніцтва.
Назваўшы Пуціна «дарагім другам», прэзыдэнт Турэччыны Рэджэп Эрдаган сказаў, што дзьве краіны могуць адбудаваць разбураныя сувязі і зрабіць іх яшчэ больш шчыльнымі.
Гэта першы саміт дзьвюх краінаў ад лістапада 2015 году, калі адносіны паміж імі вельмі абвастрыліся з-за зьбітага турэцкімі ВПС расейскага бамбавіка Су-24 паблізу сырыйска-турэцкай мяжы. Тады Расея ўвяла супраць Турцыі эканамічныя санкцыі.
Кантакты Масквы і Анкары аднавіліся пасьля таго, як 27 чэрвеня Эрдаган у лісьце да Пуціна выказаў шкадаваньне з нагоды гібелі расейскага пілёта Су-24.
Візыт Эрдагана ў Расею праходзіць на фоне напружанасьці ў адносінах Анкары з ЗША і Эўразьвязам у сувязі з масавымі арыштамі і перасьледам падазраваных у спробе дзяржаўнага перавароту ў Турэччыне.
