У Таджыкістане створана адмысловая камісія для праверкі матэрыялаў СМІ на прадмет захаваньня нормаў дзяржаўнай (таджыцкай) мовы, паведамілі прадстаўнікі Камітэту па мове і тэрміналёгіі Таджыкістану.
СМІ, якія парушаць патрабаваньні закону, будуць штрафаваць. Для фізычных асобаў штрафы складуць ад 120 да 160 даляраў, для юрыдычных — 240-320 даляраў.
Правярацца на моўныя нормы будуць праграмы на тэлебачаньні і радыё, а таксама матэрыялы друкаваных і інтэрнэт-газэтаў.
Раней Камітэт па мове і тэрміналёгіі заклікаў журналістаў да захаваньня «нормаў дзяржаўнай мовы». Старшыня камітэту Гаўхар Шарыфзада выказала сваю незадаволенасьць тым, што журналісты ў сваіх матэрыялах выкарыстоўваюць «незнаёмыя словы».
«Часам журналісты да дзесяці і больш разоў выкарыстоўваюць у тэкстах такія словы, якія незразумелыя для гледачоў і слухачоў. Такім чынам, парушаюцца нормы закону», — заявіла Шарыфзада.
Самае папулярнае
1