Лінкі ўнівэрсальнага доступу

Прэзыдэнт Чэхіі выказваецца за ўзбраеньне грамадзянаў і плот на мяжы


Прэзыдэнт Чэхіі Mілаш Зэман лічыць, што ў сувязі з пагрозай тэрарызму асобы, якім было адмоўлена ў статусе ўцекача, павінны быць дэпартаваныя з краіны ў самыя кароткія тэрміны.

«Чэскія грамадзяне павінны ўзбройвацца, каб у выпадку неабходнасьці яны маглі скарыстацца зброяй. Раней я быў супраць захоўваньня празьмерна высокай колькасьці зброі, але пасьля іх нападаў думаю ўжо інакш», — заявіў кіраўнік Чэхіі ў інтэрвію інтэрнэт-тэлебачаньню Blesk.cz. у сувязі з падзеямі, што мелі ў апошнія тыдні месца ў Нямеччыне і Францыі.

Прэзыдэнт адначасова выказаўся на карысьць актыўнай аховы межаў і паведаміў, што ў выпадку вялікага міграцыйнага напору ён «ня быў бы супраць плота».

Міністэрства абароны выдзеліць на ахову Праскага Граду, які, па словах Мілаша Зэмана, мог бы стаць цэльлю тэрарыстаў, як і іншыя месцы масавага збору людзей, 100 мільёнаў крон (3,7 мільёна эўра).

Глядзець камэнтары (1)

Гэтая дыскусія закрытая.
Ігар Лосік Кацярына Андрэева Дар'я Чульцова Марына Золатава Ягор Марціновіч
XS
SM
MD
LG