Лінкі ўнівэрсальнага доступу

У Ерэване ў захопленым будынку паліцыі — страляніна


Абодва бакі канфлікту абвінавачваюць адзін аднаго ў адкрыцьці агню.

У Ерэване ў пятніцу на тэрыторыі захопленага будынка паліцыі адбылася страляніна паміж членамі ўзброенай групы і праваахоўнымі органамі. Тры чалавекі параненыя, паведамляе армянская рэдакцыя Радыё Свабода.

Абодва бакі абвінавачваюць адзін аднаго ў парушэньні часовага перамір’я. Узброеныя людзі сьцьвярджаюць, што страляніна, якую паліцыя магла прыняць за напад, вялася для забесьпячэньня бясьпекі. Захопнікі «стралялі ў бомбу, каб яна ня выбухнула і не нашкодзіла людзям», заявіў член ўзброенай групы Варужан Авэцісян.

17 ліпеня група ўзброеных людзей захапіла будынак палка патрульна-паставой службы з патрабаваньнямі вызваліць каардынатара апазыцыйнай грамадзянскай ініцыятывы «Ўстаноўчы парлямэнт» Жырайра Сэфіляна. У выніку быў забіты палкоўнік паліцыі, чатыры паліцыянты атрымалі раненьні. Нападнікі ўзялі ў закладнікі сем чалавек і ўтрымлівалі іх амаль тыдзень.

Пасьля перамоваў з уладамі члены групы вызвалілі закладнікаў. Узброеная група працягвае заставацца на тэрыторыі захопленага будынка, ачэпленага паліцыяй.

Ігар Лосік Кацярына Андрэева Ірына Слаўнікава Марына Золатава Ягор Марціновіч

Самае папулярнае

XS
SM
MD
LG