Афіша:
У Нацыянальным мастацкім музэі Рэспублікі Беларусь (Менск, вул. Леніна, 20)ўпершыню адбудзецца кінапаказ пра легендарных менчукоў, якія пакінулі яркі сьлед у гісторыі Менску. Мадэратар: культуроляг Максім Жбанкоў. Уваход вольны. Пачатак а 17.30.
У Музэі гісторыі Вялікай айчыннай вайны (Менск, пр. Пераможцаў, 8) адкрываецца выстава Міхаіла Савіцкага «Лічбы на сэрцы». Выстава працуе ад 10.00 да 18.00.
Канцэрт гурту «Нэйра Дзюбэль», прымеркаваны да 27-годзьдзя гурту, адбудзецца ў клюбе «Или» (пр. Незалежнасьці, 131/1). Пачатак а 19:00.
У Джаз-клюбе ў Менску (Палац рэспублікі, пл. Кастрычніцкая, 1) пройдзе канцэрт квінтэту Юліі Міхайлаўскай з Санкт-Пецярбургу. Пачатак а 20:00
У гісторыі:
1914 — Аўстра-Вугоршчына абвясьціла вайну Сэрбіі, што дало пачатак Першай сусьветнай вайне.
1943 — нарадзіўся Рычард Райт, клявішнік гурта «Пінк Флойд».
1944 — ад нацысцкай акупацыі вызваленае Берасьце.
1989 — Вярхоўны Савет Латвійскай ССР абвясьціў сувэрэнітэт Латвіі.
2000 — у Катыні ўрачыста адкрыты мэмарыял польскіх і расейскіх ахвяр НКВД.
У памяці:
1741 — памёр Антоніё Вівальдзі, італьянскі кампазытар.
1750 — памёр Ёган Сэбастыян Бах, нямецкі кампазытар.
1897 — памёр Янка Лучына, беларускі паэт.
1920 — памёр Алесь Гарун, беларускі літаратар.
1997— памёр Лявон Луцкевіч, беларускі грамадзкі і культурны дзяяч, пэдагог, мэмуарыст.
Цытата:
«Ты, мой брат, каго зваць беларусам,
Роднай мовы сваёй не цурайся;
Як ня зрокся яе пад прымусам,
Так і вольны цяпер не зракайся.
Ад дзядоў і ад прадзедаў, браце,
Гэта скарб нам адзін захаваўся,
У сялянскай аграбленай хаце
Толькі ён незабраны астаўся.
Ў старыну беларус, не падданы,
Гаспадарыў, быў сам над сабою
I далёка у сьвеце быў знаны
За літоўскай і ляшскай зямлёю».
Алесь Гарун, пачатак верша «Ты, мой брат, каго зваць беларусам...»
