Лінкі ўнівэрсальнага доступу

«Ісламская дзяржава» ўзяла адказнасьць за напад на царкву ў Францыі


Экстрэмісцкая арганізацыя «Ісламская дзяржава» ўзяла на сябе адказнасьць за напад на царкву ў горадзе Сэнт-Эт’ен-дзю-Руўрэ на поўначы Францыі, у выніку якога быў забіты сьвятар і паранены яшчэ адзін чалавек.

У распаўсюджанай ад імя «Ісламскай дзяржавы» паведамленьні сьцьвярджаецца, што двое нападнікаў былі «ваеўнікамі Ісламскай дзяржавы».

Як паведамлялася, двое невядомых, узброеных нажамі, захапілі ў закладнікі пяць чалавек у царкве ў Сэнт-Эт’ен-дзю-Руўрэ, забілі сьвятара і сур’ёзна паранілі другога закладніка. Абодва нападнікі былі застрэленыя паліцыянтамі пры спробе пакінуць будынак.

Матывы нападу пакуль няясныя, але расьсьледаваньнем злачынства займаюцца антытэрарыстычныя падразьдзяленьні.

Вам можа яшчэ спадабацца

XS
SM
MD
LG