Сотні чалавек у Кіеве разьвіталіся з Паўлам Шараметам

22 ліпень 2016, 10:00

У цэнтры Кіева, ва «Ўкраінскім доме» на Эўрапейскай плошчы, адбылася цырымонія разьвітаньня з журналістам Паўлам Шараметам.

Разьвітаньне праходзіла ад 11-й да 14-й гадзіны. Сотні людзей прыйшлі з кветкамі да труны Паўла Шарамета. Спачуваньне яго родным выказалі прэзыдэнт Украіны Пятро Парашэнка, дэпутаты, міністры, журналісты і іншыя.

Сёньня ж самалётам цела Паўла Шарамета прывязуць у Менск. Пахаваньне адбудзецца 23 ліпеня. Трызна пройдзе а 11:00 у царкве Ўсіх Сьвятых (Менск, вуліца Каліноўскага, 121). Пахаваюць Паўла Шарамета побач з бацькам на Паўночных могілках у 14:30.

Павал Шарамет загінуў раніцай 20 ліпеня ў выніку выбуху аўтамабіля, у якім ехаў на працу. На гэты момант сьледзтва разглядае шэсьць вэрсіяў яго забойства: прафэсійная дзейнасьць, непрыязнасьць у адносінах або асабістыя матывы, расейскі сьлед (дэстабілізацыя сытуацыі ва Ўкраіне), замах на Алёну Прытулу. Яшчэ дзьве вэрсіі праваахоўныя органы пакуль не агучваюць.

12:57 22.7.2016

Каля Ўкраінскага дома дзяжураць некалькі машын хуткай дапамогі і паліцыі.

12:48 22.7.2016

Журналіст Яўген Кісялёў развітаецца з калегам #Шарамет https://t.co/vLTbBIHGVc
— Радыё Свабода (@svaboda) 22.7.2016

12:47 22.7.2016

Адвакат Надзеі Саўчанкі Ільля Новікаў:

«Мы не былі знаёмыя з Пашам, хоць у нас было шмат агульных сяброў. Я тут не таму, што я сябар ці знаёмы. Проста некаторыя рэчы прымяраеш на сябе.

У нас у сакавіку была падобная сытуацыя, калі ў Кіеве забілі адваката Юрыя Грабоўскага. Мы абаранялі ўкраінцаў у Расеі, а ён абараняў расейцаў ва Ўкраіне. І нават не настолькі важна — з-за гэтага забілі ці не. Проста забілі чалавека. І з Паўлам Шараметам тая ж сытуацыя».

12:42 22.7.2016

Сьпікер АТА Андрэй Лысенка:

«У нас з Пашам было шмат выпадковых і невыпадковых сустрэч. Мы шмат казалі пра сытуацыю ў краіне, на ўсходзе. Розныя тэмы былі. Мы нічым не абмяжоўваліся. Гэта быў чалавек, зь якім можна было і трэба было гаварыць. Ён падсілкоўваў надзеяй, у яго заўсёды быў правільны пункт гледжаньня, ён ні пад чыю дуду не скакаў, быў чалавекам, яки рэалізаваў сябе маналітам. А да такіх людзей звычайна цягнуцца. Шкада, што сышоў».

12:36 22.7.2016

Аляксандар Фядута прыйшоў разьвтацца з Паўлам. #Шарамет https://t.co/fgPih2YDFq
— Радыё Свабода (@svaboda) 22.7.2016

12:28 22.7.2016

Андрэй Білецкі, дэпутат Вярхоўнай Рады Ўкраіны VIII скліканьня, былы камандзір палка «Азоў»:

«Мы пазнаёміліся з Паўлам у 2014 годзе. Ён цікавіўся і ’’Азовам’’, і потым — палітычным рухам. І ён заўсёды асьвятляў нас не зь сяброўскай пазыцыі, а з прафэсійнай. Гэта было сумленна, і я яму за гэта ўдзячны».

12:23 22.7.2016

«Украіна смуткуе», — запісы ў Кнізе памяці Паўла Шарамета ў Кіеве

12:23 22.7.2016

#Шарамет https://t.co/dj7hye5vw2
— Радыё Свабода (@svaboda) 22.7.2016

12:19 22.7.2016

#Шарамет https://t.co/c3G6isEQHe
— Радыё Свабода (@svaboda) 22.7.2016

12:11 22.7.2016

#Шарамет https://t.co/gz1RCbikAO
— Радыё Свабода (@svaboda) 22.7.2016

12:11 22.7.2016

Мустафа Наем: Пасьля цырымоніі ў Кіеве ляцім у Менск

12:06 22.7.2016

#Шарамет https://t.co/pW8BcZPHFq
— Радыё Свабода (@svaboda) 22.7.2016

11:50 22.7.2016

Сяргей Бунтман, намесьнік галоўнага рэдактара ’’Эхо Москвы’’ сказаў:

«Як бы неадназначна ні ставіліся да Паўла, мне здаецца, асноўнымі адметнымі рысамі Паўла былі выразнасьць, яснасьць, удумлівасьць, такая ўнутраная экспэртыза. Ён працаваў як прафэсіянал, ён аналізаваў. Уявіце сабе такую велізарную лябараторыю, якая знаходзіцца ў адным чалавеку, ён мог ня мець рацыі, як і ўсе мы, у высновах, але яны былі заснаваныя на яго рэальных назіраньнях, ведах і галоўнае — жаданьні высьветліць тое, што ёсьць на самай справе, а ня тое, што здаецца ці камусьці спадабалася б. Сьветлая яму памяць. Ён быў чалавек-крытэр у прафэсіі».