Дом былога генпракурора Ўкраіны Віктара Пшонкі ў сяле Гарэнічы пад Кіевам разьбіты і разрабаваны ўшчэнт. Фота на сваёй старонцы ў Facebook апублікавала журналістка Натальля Тарасоўская.
На здымках, у прыватнасьці, бачна, што са сьцен зьдзёртая плітка, элемэнты аздабленьня і нават выключальнікі і разэткі.
Тое, як выглядаў дом былога генпракурора да рабаўніцтва, можна паглядзець тут.
Віктар Пшонка зьбег з Украіны ў лютым 2014 году. Першыя зьвесткі і фатаграфіі абабранага дома Пшонкі зьявіліся ўжо празь месяц пасьля ягоных уцёкаў. Тады ж была адкрытая крымінальная справа па гэтым факце.
