Пра гэта паведамляе Reuters.
Паводле паведамленьня, аш-Шышані загінуў на тэрыторыі Іраку падчас бою ў горадзе Шэргат, які знаходзіцца пад кантролем «Ісламскай дзяржавы». Калі гэта адбылося, не паведамляецца. У пачатку ліпеня ўлады Іраку аб’явілі, што ірацкае войска знаходзяцца ў 10 кілямэтрах ад Шэргата.
Дзьве крыніцы ва ўрадзе ЗША заявілі CNN, што ў апошнія некалькі дзён амэрыканская авіяцыя ажыцьцяўляла авіяўдары, мэтай якіх быў аш-Шышані. Пацьверджаньняў яго гібелі ў ЗША пакуль няма.
Паведамленьні пра сьмерць аш-Шышані зьяўляліся неаднаразова, аднак ісламісты гэтую інфармацыю абвяргалі. У сакавіку 2016 году крыніцы ва ўрадзе ЗША паведамілі CNN, што аш-Шышані быў забіты ў Сырыі ударам з амэрыканскага бесьпілётніка. Пазьней ісламісты абверглі гібель палявога камандзіра.
