Каралева Лізавета II прыняла прашэньне аб адстаўцы, пададзенае ёй прэм’ер-міністрам Вялікабрытаніі Дэйвідам Кэмеранам. Ён прапрацаваў на гэтай пасадзе шэсьць гадоў і 62 дні.
Перад тым, як адправіцца ў Букінгэмскі палац, Кэмэран выступіў з разьвітальнай прамовай, у якой назваў галоўнымі дасягненьнямі свайго ўраду дапамогу бедным краінам і легалізацыю гей-шлюбаў.
«Людзі, якія раней не маглі быць разам, цяпер могуць ажаніцца. [...] Дапамога людзям на другім канцы плянэты, у якіх не было доступу да пітной вады, не было магчымасьці наведваць школу — вось асноўны плён рашэньняў, якія мы прымалі», — заявіў Кэмэран, кажучы пра працу свайго ўраду.
Рашэньне Кэмэрана пакінуць пасаду было зьвязана з вынікам рэфэрэндуму аб членстве Брытаніі ў ЭЗ. Зьмяняе яго на пасадзе 59-гадовая Тэрэза Мэй, якая працавала ў яго ўрадзе міністрам унутраных спраў.
Самае папулярнае
1