Рынкавы кошт грузу перавышае 4,8 мільёна злотых, што роўна 1,2 мільёну даляраў. Гэта рэкордная колькасьць затрыманых кантрабандных цыгарэт сёлета і найбольшая з тых, што знайшлі ў таварных цягніках.
Пра знаходку паведамляе польскае выданьне.
Некалькі дзён таму ў тым жа Тэрэспалі затрымалі партыю на 800 тысяч польскіх злотых.
Польская мытная служба паведамляе, што цыгарэты застаюцца самым частым кантрабандным таварам. У Тэрэспалі ў хуткім часе плянуюць усталяваць найбуйнейшы сканэр для праверкі чыгуначных вагонаў.
