Злучаныя Штаты вытурылі з краіны дваіх афіцыйных прадстаўнікоў Расеі ў сувязі з інцыдэнтам паміж амэрыканскім дыпляматам і расейскім ахоўнікам ля амбасады ЗША ў Маскве.
Інцыдэнт у Маскве адбыўся 6 чэрвеня, калі калі амэрыканскі дыплямат быў скручаны і траўмаваны ахоўнікам з ФСБ ля ўваходу ў амбасаду ЗША. Прадстаўнікі дыпляматычнага ведамства назвалі тое, што адбылося "несправакаваным нападам".
Расея пазьней абвінаваціла пацярпелага ў тым, што ён "агент ЦРУ", а 7 ліпеня расейскі тэлеканал НТВ, кантраляваны дзяржавай, паказаў відэа, на якім нібыта зьняты момант інцыдэнту.
