У Беларусі — дэнамінацыя беларускага рубля (скасоўваюцца чатыры нулі).
Афіша
Менск — канцэрт камэрна-інструмэнтальнай музыкі. Музэй Азгура, вул. Азгура, 8. Пачатак а 19-ай.
Гэты дзень у гісторыі
1535 — пачаўся суд над Томасам Морам, ангельскім палітыкам і пісьменьнікам.
1569 — заключана Люблінская вунія паміж Каралеўствам Польскім і Вялікім Княствам Літоўскім.
1812 — Напалеон абвясьціў узнаўленьне Вялікага Княства Літоўскага і стварыў часовы ўрад ВКЛ.
1858 — упершыню агучаная тэорыя эвалюцыі Чарлза Дарвіна, згодна зь якой усе віды разьвіліся зь цягам часу з агульных прародзічаў праз працэс натуральнага адбору.
1863 — пачалася бітва пры Гетысбэргу, адна з вырашальных бітваў Грамадзянскай вайны ў ЗША, у якой войска Поўначы разьбіла войска Поўдня.
1867 — абвешчаная незалежнасьць Канады.
1916 — пачалася бітва на Соме ў час Першай сусьветнай вайны.
1921 — зацьверджаны статут Таварыства беларускай школы, створанага ў Вільні.
1944 — у Брэтан-Вудсе пачалася канфэрэнцыя, на якой былі ўтвораныя Міжнародны валютны фонд і Сусьветны банк.
1963 — брытанскі ўрад прызнае, што Кім Філбі працаваў як савецкі агент. Кім Філбі быў завэрбаваны савецкай выведкай у 1934 годзе. Працаваў на высокіх пасадах у брытанскай выведцы.
1966 — Францыя выйшла з вайсковай арганізацыі НАТО, застаўшыся ў палітычнай.
1974 — прэзыдэнт ЗША Рычард Ніксан падчас свайго візыту ў СССР наведаў Беларусь.
1989 — у Кіеве створаны «Народны рух Украіны».
1991 — Варшаўскі абарончы пакт абвешчаны «няісным» на апошнім саміце гэтай арганізацыі.
1997 — Ганконг ізноў стаў часткай Кітаю.
2002 — уступіў у дзеяньне статут Міжнароднага крымінальнага суду.
2013 — Харватыя ўступіла ў Эўрапейскі Зьвяз.
У гэты дзень нарадзіліся
1780 — Карл Кляўзэвіц, нямецкі генэрал і ваенны тэарэтык.
1804 — Жорж Санд, француская пісьменьніца.
1927 — Зора Кіпель, бібліёграф, літаратуразнаўца, публіцыстка, грамадзка-культурная дзяячка эміграцыі ў ЗША.
1961 — Дыяна, прынцэса ўэльская.
У гэты дзень памерлі
1896 — Гарыет Бічэр-Стоў, амэрыканская пісьменьніца, апўтарка раману «Хаціна дзядзькі Тома».
1938 — расстраляны НКВД Іван Цьвікевіч, беларускі навуковец, кіраўнік мэдычнай сэкцыі Інстытуту беларускай культуры.
2009 — Марлон Брандо, амэрыканскі кінаактор.
Цытата
Вайна ёсьць працяг палітыкі іншымі сродкамі.
Карл Кляўзэвіц