Лінкі ўнівэрсальнага доступу

Машыну Цімафея Дранчука затрымалі за беларускі арнамэнт і нацыянальны сьцяг


Цімафей Дранчук з сынам ля сваёй машыны. Фота з Фэйсбука Дранчука
Цімафей Дранчук з сынам ля сваёй машыны. Фота з Фэйсбука Дранчука

Жыхара Менску Цімафея Дранчука, які ехаў на аўтамабілі з нацыянальным арнамэнтам і сьцягам, спынілі супрацоўнікі ДАІ: «Што гэта ў вас за сымболіка такая?» — распавёў Цімафей на сваёй старонцы ў Фэйсбуку.

Супрацоўнік ДАІ, які прадставіўся толькі пасьля патрабаваньняў — Юры Аляксеенка — адабраў у кіроўцы ключы, страхоўку, тэхпашпарт і выклікаў старэйшых па званьні: «У мяне, маўляў, да вас прэтэнзіяў няма, а вось у кіраўніцтва будуць».

Пасьля доўгага чаканьня дадатковых сіл ДАІ і разьбіральніцтва, Дранчука адпусьцілі. У часе затрыманьня Цімафей фактычна вёў онлайн-рэпартаж у Фэйсбуку: фатаграфаваў міліцыянтаў, якія «разьбіраліся» з арнамэнтам, паведамляў дэталі. На дапамогу прыехалі ягоныя сябры, чыя прысутнасьць, паводле Цімафея, суцішыла імпэт міліцыі і не дазволіла адвезьці яго ў райаддзел. Затрыманьне доўжылася амаль гадзіну. У выніку ён атрымаў штраф «за таніроўку шкла», бо «кіраўніцтва ДАІ загадала бяз штрафу не адпускаць».

23 чэрвеня за бел-чырвона-белыя сьцягі міліцыя адагнала на штрафную стаянку аўтамабіль Яўгена Батуры, які дагэтуль ня можа атрымаць сваю машыну назад.

Ігар Лосік Кацярына Андрэева Ірына Слаўнікава Марына Золатава Андрэй Кузьнечык
XS
SM
MD
LG