Лінкі ўнівэрсальнага доступу

Ужо сёньня, 30 чэрвеня: дзень народзінаў Чэслава Мілаша, суд над Паўлам Севярынцам


Падзеі і даты гэтага дня ў Беларусі, сьвеце, гісторыі.

Афіша

Менск. У судзе Маскоўскага раёну працэс над сустаршынём БХД Паўлам Севярынцам за акцыю салідарнасьці з Эдуардам Пальчысам каля СІЗА на вуліцы Валадарскага у чацьвер, 30 чэрвеня. Раённы аддзел міліцыі Маскоўскага раёну Менску абвінавачвае Севярынца ў тым, што ён арганізаваў і правёў «несанкцыянаваную акцыю». Пачатак працэсу ў 9.30

У гісторыі:

1792 — завяршыўся Чатырохгадовы Сойм Рэчы Паспалітай.

1810 — Нідэрлянды уключаныя ў склад Францыі.

1894 — Карэя абвясьціла незалежнасьць ад Кітаю.

1898 — у Віцебску пачаўся рух трамваю.

1905 — Альбэрт Эйнштэйн апублікаваў артыкул, у якім выклаў тэорыю адноснасьці.

1908 — падзеньне Тунгускага мэтэарыту.

1934 — «Ноч доўгіх нажоў» у Трэцім Райху, зьнішчэньне кіраўнікоў штурмавых атрадаў (СА) нацысцкай партыі.

1944 — Другая сусьветная вайна: з-пад нямецкай акупацыі вызвалены Слуцак.

1956 — у газэтах у СССР апублікаваная пастанова ЦК КПСС «Аб пераадоленьні культу асобы і яго наступстваў».

1984 — пачатак рэгулярнага руху цягнікоў Менскага мэтро

У гэты дзень нарадзіліся

1911 ― Чэслаў Мілаш, польскі паэт, празаік, эсэіст, ляўрэат Нобэлеўскай прэміі (1980).

1976 — Аляксей Янукевіч, беларускі палітык, старшыня Партыі БНФ

У гэты дзень памерлі

1969 — Міхайла Грамыка, беларускі пісьменьнік і навуковец.

1993 — Міхась Мельнікаў, беларускі краязнаўца.

2010 — Уладзімер Ісаенка, беларускі археоляг. Уладзімер Ісаенка стаў адкрывальнікам археалёгіі беларускага Палесься, асноўным дасьледчыкам каменнага веку. Да 70-х гадоў мінулага стагодзьдзя адкрыў 400 зь 500 вядомых помнікаў каменнага веку, стварыў археалягічную калекцыю ў сотні тысяч прадметаў. Напісаў манаграфіі, больш за 400 артыкулаў для энцыкляпэдый, шмат дасьледаваў гісторыю апошняй вайны і распрацаваў мэтодыку ваеннай археалёгіі.

2012 — Іцхак Шамір, прэм’ер-міністар Ізраілю. Нарадзіўся ў мястэчку Ружаны, Расейская імпэрыя (цяпер у Пружанскім раёне Берасьцейскай вобласьці Беларусі)

Цытата

Дзяржава, нават ламаючы і падпарадкоўваючы сабе творцу ці навукоўца, тым самым выказвае пашану яго ролі, прызнае яго вагу.

Чэслаў Мілаш

Ігар Лосік Кацярына Андрэева Ірына Слаўнікава Марына Золатава Андрэй Кузьнечык
XS
SM
MD
LG