Экс-прэм’ер Малдовы Ўладзімір Філат прысуджаны да дзевяці гадоў турмы з канфіскацыяй маёмасьці па справе аб карупцыі. Такое рашэньне вынес раённы суд Кішынэву.
Пра гэта паведамляе ТАСС.
Былы лідэр Лібэрал-дэмакратычнай партыі Малдовы (ЛДПМ), якая складала аснову кіруючай у краіне кааліцыі «Альянс за эўрапейскую інтэграцыю», быў арыштаваны 15 кастрычніка летась.
Пракуроры палічылі яго вінаватым у карупцыйных дзеяньнях па гучнай справе аб вывадзе мільярда эўра з трох малдоўскіх банкаў. Філат абвяргаў абвінавачваньні на свой адрас і сьцьвярджаў, што за яго арыштам стаіць партнэр па праэўрапейскай кааліцыі, віцэ-старшыня Дэмакратычнай партыі Малдовы (ДПМ) Уладзімір Плахатнюк, якога малдаўская прэса называе «шэрым кардыналам» малдоўскай палітыкі.
Самае папулярнае
1
