Ніхто з 222 пасажыраў і 19 чальцоў экіпажу, якія знаходзіліся на борце самалёта, у выніку здарэньня не пацярпеў, паведамляе авіяперавозчык. Рухавік, які загарэўся, быў патушаны супрацоўнікамі надзвычайных службаў сынгапурскага аэрапорта, паведамляе ВВС.
Самалёт авіякампаніі Singapore Airlines вылецеў з Сынгапура ў Мілан рана раніцай у панядзелак. Празь дзьве гадзіны пасьля адпраўленьня экіпаж даведаўся пра непаладкі ў рухавіку і прыняў рашэньне вярнуцца ў аэрапорт вылету.
Усе пасажыры на аўтобусе дастаўленыя ў тэрмінал аэрапорта. Паводле дадзеных Singapore Airlines, пасажыры вылецяць у Мілан у бліжэйшы час на іншым самалёце.
У канцы траўня ў такійскім міжнародным аэрапорце Ханэда на ўзьлётна-пасадачнай паласе загарэўся самалёт Boeing 777 авіякампаніі Korean Air з 302 пасажырамі і 17 чальцамі экіпажу на борце. Як паведамлялася, у самалёта падчас падрыхтоўкі да ўзьлёту загарэўся рухавік. Тады пасажыраў хутка эвакуявалі праз надзіманыя трапы, ніхто ў выніку здарэньня не пацярпеў.
