Доналд Трамп, меркаваны рэспубліканскі кандыдат на пасаду прэзыдэнта ЗША, звольніў мэнэджэра сваёй выбарчай кампаніі Коры Левандоўскага.
Звальненьне Левандоўскага, які дапамог Трампу выйграць папярэднія выбары па ўсёй краіне, адбылося на фоне паведамленьняў пра рознагалосьсі паміж ім і зноў прынятымі на працу дарадцамі Трампа. Гаворка ішла пра тое, як павысіць прывабнасьць Трампа для выбарцаў на ўсеагульных выбарах 8 лістапада.
На пачатак чэрвеня Трамп сабраў 1,29 мільёна даляраў на сваю кампанію. Па гэтым паказьніку ён значна адстае ад меркаванага кандыдата партыі дэмакратаў Гілары Клінтан, якая сабрала 42 мільёны даляраў.
