Лінкі ўнівэрсальнага доступу

Суд скасаваў штраф Кастусёву за Дзень Волі. Справу адправілі на перагляд


Рыгор Кастусёў

У Менскім гарадзкім судзе адбылося пасяджэньне, на якім намесьнік старшыні партыі БНФ Рыгор Кастусёў абскарджваў рашэньне суду Савецкага раёну Менску, які пакараў яго штрафам у 30 базавых велічынь. Кастусёва судзілі пасьля Дня Волі 25 сакавіка паводле артыкулу 23.34 КаАП (Удзел у несанкцыянаваным масавым мерапрыемстве).

Сёньня ж судзьдзя Валеры Камісараў з увагі на памылкі, дапушчаныя ў пратаколах і падчас судовага пасяджаньня ў судзе Савецкага раёну, вырашыў скасаваць рашэньне пра штраф і накіраваць справу на перагляд іншаму судзьдзю.

Паўторны разгляд справы павінен адбыцца не пазьней як праз два месяцы.

Ігар Лосік Кацярына Андрэева Дар'я Чульцова Марына Золатава Ягор Марціновіч
XS
SM
MD
LG