Лінкі ўнівэрсальнага доступу

У ангельца, зьбітага расейскімі фанатамі, зафіксавалі сьмерць мозгу


Бойка расейскіх і ангельскіх заўзятараў.

Лекары дыягнаставалі сьмерць галаўнога мозгу англійскага заўзятара.

Лекары дыягнаставалі сьмерць галаўнога мозгу 51-гадовага мужчыны, які атрымаў траўму ў бойцы з расейскімі фанатамі ў Францыі, заявіў расійскі консул у Францыі Данііл Болтакс.

Як паведамляе INTERFAX.RU, пракурор Марсэля прыняў рашэньне аб арышце ўсіх раней затрыманых расейскіх заўзятараў у сувязі з гэтым трагічным фактам.

У аўторак, 14 чэрвеня, французская паліцыя спыніла аўтобус з расейскімі заўзятарамі, якія накіроўваліся ў Ліль на матч Расея-Славаччына. Пасажыраў і кіроўцаў затрымалі і адправілі ў Марсэль для правядзеньня сьледчых дзеяньняў у сувязі з масавымі беспарадкамі, якія адбыліся ў горадзе пасля сустрэчы зборных Расеі і Англіі 11 чэрвеня.

Зборныя Расеі і Англіі ў першым туры Эўра-2016 згулялі ўнічыю — 1:1. Заўзятары расейскай і ангельскай зборных зладзілі шэраг сутыкненьняў у Марсэлі, у выніку якіх пацярпела каля 40 чалавек. Акрамя таго, расейскія фаны напалі на заўзятараў ангельскай зборнай ужо непасрэдна на стадыёне. У сувязі з гэтым УЭФА наклаў на Расею адтэрмінаваную дыскваліфікацыю і аштрафаваў расейскі футбольны саюз на 150 тысяч эўра. Адтэрмінаваная дыскваліфікацыя ператворыцца ў рэальную ў выпадку, калі на чэмпіянаце Эўропы па футболе паўторацца беспарадкі, арганізаваныя расейскімі фанатамі пасьля матчу.

Глядзець камэнтары (4)

Гэтая дыскусія закрытая.
Ігар Лосік Кацярына Андрэева Дар'я Чульцова Марына Золатава Ягор Марціновіч
XS
SM
MD
LG