Лінкі ўнівэрсальнага доступу

У Францыі ўзмоцненыя меры бясьпекі да «Эўра-2016»


«Эўра-2016». Уваходная брама ў фан-зону ў Ліёне, Францыя

Арганізатары рыхтуюцца да сьвята футбола ва ўмовах надзвычайнага становішча ў краіне.

Ліён — У Францыі гатовыя да адкрыцьця футбольнага чэмпіянату «Эўра-2016», які пройдзе на працягу месяца ў дзесяці францускіх гарадах.

У цэлым «Эўра-2016» у Францыі будзе адбывацца пры надзвычайных мерах бясьпекі, якія ўвялі пасьля тэрактаў у Парыжы ў лістападзе. За парадкам будуць сачыць 90 000 паліцэйскіх, вайскоўцаў, жандараў і супрацоўнікаў прыватных ахоўных службаў. Плян антытэрарыстычных мерапрыемстваў прадугледжвае ахову стадыёнаў, фан-зонаў і месцаў збору заўзятараў — такіх, як вакзалы, аэрапорты, грамадзкі транспарт. Акрамя таго, Міністэрства ўнутраных спраў Францыі ўпершыню за ўсю гісторыю буйных міжнародных спартовых спаборніцтваў запусьціла мабільную праграму пад назвай SAIP. Яна паведамляе пра патэнцыйную небясьпеку, а таксама дае парады па дзеяньнях у выпадку нападу.

«Новая мабільная праграма даступная на ўсіх смартфонах. На ёй трэба выбраць месца знаходжаньня, каб яна пасылала вам апошнія паведамленьні пра патэнцыйную небясьпеку. І мы, ва ўрадзе, у Міністэрстве ўнутраных спраў, хочам яе выпрабаваць падчас эўрапейскага чэмпіянату, нягледзячы на рызыкі, зьвязаныя з «Эўра-2016», — распавядае прэфэкт паліцыі Мішэль Дэльпуек.

Пагроза тэрактаў падчас «Эўра-2016» застаецца — Алянд

Паліцэйскі аўтамабіль паблізу фан-зоны ў Ліёне
Паліцэйскі аўтамабіль паблізу фан-зоны ў Ліёне

Асабліва паліцэйскіх турбуюць заўзятары ў фан-зонах. Напрыклад, у Ліёне фан-зона зьмяшчаецца на адной з самых вялікіх плошчаў Эўропы — Бэлькур, і разьлічаная на 20 000 чалавек. Ўваход у яе магчымы толькі праз чатыры брамы, якія абсталяваныя адмысловымі рамкамі бясьпекі. Акрамя таго, ахова фан-зоны ня будзе пускаць заўзятараў з торбамі або заплечнікамі, іх трэба будзе здаваць у камэру захоўваньня.

Аднак узмоцненыя меры бясьпекі і заява францускага прэзыдэнта Франсуа Алянда пра тое, што пагроза тэрактаў падчас «Эўра-2016» застаецца высокай, не спыняюць футбольных заўзятараў, якія ўжо паступова прыбываюць у Ліён і знаёмяцца з горадам.

«Я не магу сказаць, што я баяўся прыехаць сюды, але я разумею, што трэба быць пільным. Калі нешта адбудзецца, то я думаю, што самае галоўнае — заставацца спакойным. Але мы ў Паўночнай Ірляндыі знаёмыя з такімі рэчамі», — распавядае заўзятар Ніл Люіс.

Работнікі транспартнай галіны Францыі абвясьцілі страйк

Ніл Люіс толькі што прыляцеў з Бэлфаста зь сябрамі пахварэць за сваю зборную, якая, дарэчы, менш чым праз тыдзень сустрэнецца з украінскімі футбалістамі на стадыёне ў Ліёне. Але ў нядзелю Ніл накіруецца ў Ніцу, дзе яго зборная будзе гуляць з палякамі.

Група заўзятараў з Паўночнай Ірляндыі
Група заўзятараў з Паўночнай Ірляндыі

«Мы чулі пра забастоўкі і пра тое, што могуць быць праблемы з Air France і зь цягнікамі, але мы пакуль дакладна ня ведаем, ці закране гэта нас. Спадзяюся, праблема будзе вырашаная, трымаем кулакі » - кажа паўночна-ірляндзкі заўзятар.

Матчы эўрапейскага чэмпіянату павінны наведаць каля 2 мільёнаў заўзятараў. Большасьць зь іх будуць перасоўвацца паміж гарадамі-гаспадарамі «Эўра-2016», у прыватнасьці цягнікамі і самалётамі. Ведаючы пра гэта, работнікі транспартнай галіны абвясьцілі страйк наўмысна падчас эўрачэмпіянату. Такім чынам яны спадзяюцца ціснуць на ўрад для таго, каб ён адмяніў правядзеньне працоўнай рэформы.

Ігар Лосік Кацярына Андрэева Ірына Слаўнікава Марына Золатава Ягор Марціновіч
XS
SM
MD
LG