Паводле апошняй інфармацыі ўладаў Грэцыі, знойдзеныя целы чатырох загінулых. Міжнародная арганізацыя па міграцыі паведаміла, што сотні людзей з судна лічацца прапаўшымі бязь вестак, больш за 340 чалавек удалося выратаваць.
Звыш 205 тысяч мігрантаў і ўцекачоў дабраліся да Эўропы празь Міжземнае мора з пачатку гэтага году. Большасьць гэтых людзей — грамадзяне Сырыі і Іраку, якія бягуць ад узброеных канфліктаў у сваіх краінах.
У аўторак на гэтым тыдні агенцтва ААН па справах уцекачоў паведаміла пра гібель за папярэдні тыдзень у Міжземным моры ня менш за 880 перасяленцаў.