Лінкі ўнівэрсальнага доступу

Завялі крымінальную справу па факце сьмерці ў Горадні дзяўчынкі пасьля ўвядзеньня вакцыны


Ілюстрацыйнае фота

Упраўленьне Сьледчага камітэту па Гарадзенскай вобласьці распачала крымінальную справу па факце сьмерці шасьцігадовай дзяўчынкі пасьля ўвядзеньня вакцыны.

Як паведамляе прэс-служба СК Беларусі, справа ўзбуджаная паводле часткі 2 артыкулу 162 КК (неналежнае выкананьне прафэсійных абавязкаў мэдыцынскімі работнікамі, што пацягнула па неасьцярожнасьці сьмерць пацыента).

Каля 16.00 31 траўня ў дзіцячай паліклініцы № 1 Гародні пасьля ўвядзеньня камбінаванай вакцыны супраць адру, паратыту і краснухі рэзка пагоршыўся стан шасьцігадовай дзяўчынкі, жыхаркі абласнога цэнтра. Нягледзячы на аказаную мэдыцынскую дапамогу, яна памерла ў прысутнасьці маці, паведамляе прэс-служба.

Сьледчыя правялі агляд месца здарэньня. Канфіскаваныя ампулы з вакцынамі, выкарыстаныя ампулы і шпрыцы, а таксама мэдыцынскія прэпараты з кабінэта прышчэпак. Да матэрыялаў крымінальнай справы далучаныя для вывучэньня ўся мэдыцынская дакумэнтацыя, фінансава-бухгальтарскія дакумэнты на атрыманьне вакцын.

Прызначаныя судова-мэдыцынская і шэраг іншых экспэртызаў. Дапытваюцца мэдыцынскія работнікі паліклінікі, пацыенты.

Меры стрыманьня да мэдыцынскіх работнікаў не ўжываліся.

Ігар Лосік Кацярына Андрэева Ірына Слаўнікава Марына Золатава Ягор Марціновіч

Самае папулярнае

XS
SM
MD
LG