Ва Ўкраіне апублікаваныя таемныя дакумэнты былой кіроўнай Партыі рэгіёнаў. Нацыянальнае антыкарупцыйнае бюро Ўкраіны (НАБУ) пачало расьсьледаваньне фактаў карупцыі ў краіне ў пэрыяд прэзыдэнцтва Віктара Януковіча.
Падставай для расьсьледаваньня стала заява экс-намесьніка кіраўніка Службы бясьпекі Ўкраіны Віктара Трапака. Ён перадаў сьледчым НАБУ дакумэнты з так званай «чорнай касы» Партыі рэгіёнаў з агульнымі выплатамі на суму каля 2 млрд даляраў шэрагу былых і цяперашніх украінскіх высокапастаўленых чыноўнікаў, палітыкаў, судзьдзяў, грамадзкіх дзеячаў, прадстаўнікоў міжнародных арганізацый.
30 траўня адпаведныя зьвесткі ў Адзіны рэестар дасудовых расьсьледаваньняў былі ўнесеныя дэтэктывамі Бюро па папярэдняй прававой кваліфікацыі паводле ч.4 арт.369 Крымінальнага кодэксу Ўкраіны («прапанова, абяцаньне або прадстаўленьне неправамернай выгады службовым асобам»). Пры гэтым у Бюро падкрэсьліваюць, што «залішняя публічнасьць у гэтай справе можа нашкодзіць выкрыцьцю карупцыйных правапарушэньняў і прыцягненьню вінаватых да адказнасьці».
Цалкам матэрыял чытаць на сайце расейскай службы Радыё Свабода.